Descripción del producto
A figura de Dionisio Fierros (1827-1894) personaliza un dos episodios máis senlleiros na historia da arte galega do século XIX. Pioneiro nun xénero costumista de asuntos xenuinamente galegos, é un piar fundamental na conformación dunha escola de pintura galega consciente de si mesma. Porén, é tamén o pintor predilecto dunha nacente burguesía que procura expresar as súas aspiracións de clase noutros xéneros como o retrato, cun estilo naturalista que el introduce con afán renovador a través de Compostela.
Este libro, resultado de máis de dez anos de investigación, ofrece un estudo exhaustivo da produción de Fierros en Galicia. Isto apóiase nun amplo catálogo de pezas que, confrontadas con outras fontes documentais, afondan no significado da obra do artista. Esta lectura posibilita unha comprensión global do autor, e tamén unha aproximación á realidade social e histórica do noso país nun momento que abraza a contemporaneidade.
Valoraciones
No hay valoraciones aún.